Американын президенти Дональд Трамптын талапкерлиги Республикалык партия тарабынан экинчи мөөнөткө расмий түрдө көрсөтүлдү, деп жазат ТАСС.
Ал эми вице-президент кызматына мурунку талапкер Майк Пенс көрсөтүлүп, анын талапкерлиги да Республикалык партиянын курултайында бир добуштан колдоо тапты.
Жыйында сөз сүйлөгөн Дональд Трамп ноябрда өтө турган шайлоонун тазалыгы боюнча күмөн санап жатканын билдирди. Пандемияга байланыштуу добуш берүү негизинен почта аркылуу жүргүзүлөрү кабарланууда. Ал мындай учурда шайлоонун жыйынтыгы бурмаланышы мүмкүн деп эсептейт.
Буга чейин АКШдагы Демократиялык партия 78 жаштагы Жо Байденди расмий түрдө президенттикке талапкер катары көрсөткөн.
АКШда президенттик шайлоо ушул жылдын 3-ноябрында өтөт.
Пикирлер (0)
Пикир жок. Сиз биринчилерден болушуңуз мүмкүн