Дүйнөдө коронавирус илдетин жуктургандар 1,5 миллиондон ашты

Дүйнөдө COVID-19 илдетин жугузгандар 1 514 886 адамга жетти. Бул тууралуу окумуштулар иштеп чыккан онлайн картада жарыяланды.

Маалыматка ылайык, АКШда ооругандар 431 383 кишиге жетти. Ал эми Испанияда 148 220, Италияда 139 422 адам дартты жугузуп алган. Кыргызстанда илдетке чалдыккандар 270ге жетти.

Ал эми, апааттан айыккандардын саны дүйнөдө 330 миңге жакындады. Кытайда 77 639, Испанияда 48 021, Германияда 46 300, Иранда 29 812 жана Италияда 26 491 адам дартты жеңген.

Ошол эле, учурда пандемиядан 88 444 бейтап каза болгон.