Дүйнөдө коронавирустан айыккандардын саны 260 миңден ашты

Дүйнө жүзү боюнча COVID-19 инфекциясынан айыккандардын саны 260 миң 484 адамга жетти. Бул тууралуу окумуштулар иштеп чыккан онлайн картада жарыяланды.

Маалыматка ылайык, Кытайда 77 миң 216 адам илдетти жеңген. Ал эми Испанияда 38 миң 80 киши, Германияда 28 миң 700 бейтап пандемиядан айыккан. Кыргызстанда бул дартты 9 адам жеңди.

Коронавирус илдетине чалдыккандардын саны Дүйнөдө 1 274 923 адамга жетти. Апаатка АКШда 337 620 адам дуушар болсо, Испанияда 131 646 киши чалдыккан. Италияда оорудан жабыркагандардын саны 128 948ге жетти.