Дүйнөдөгү эң кары адам: Гиннес китебине жаңы ысым рекорд жаратты

Гиннес рекорддор китебинин өкүлдөрү дүйнөдөгү эң кары аял япониялык Томико Итоокага барып, анын статусун тастыктаган расмий сертификат тапшырышты.

Томико 1908-жылы 23-майда Японияда төрөлгөн жана учурдагы жаш курагы - 116 жаш 117 күн.

Гиннесстин рекорддор китебинин сайтындагы маалыматка ылайык, сертификат ал акыркы беш жылдан бери жашаган Азиядагы Хёго префектурасындагы карылар үйүндө тапшырылган. Өткөн айда 117 жаштагы Мария Браньяс Морера каза болгондон кийин Томико Итоока расмий түрдө дүйнөдөгү эң кары аял жана эң улгайган адам наамдарын алган.

Томико Осака шаарында император Мэйдзинин тушунда төрөлгөн. Жаш кезинде орто мектептин волейбол командасында ойноп, 1979-жылы жолдошу каза болгондон кийин аскага чыгууга жана тоого чыгууга кызыгып калган. Тарыхта эң узак жашаган адам 122 жыл 164 күн жашаган франциялык Жанна Калмент болуп саналат.

Томико Итоока учурда эң узак жашаган адамдардын арасында 23-орунда турат, бирок эки жуманын ичинде ал бул тизмеде 21-орунга көтөрүлүшү мүмкүн.