Эки депутат Конституциянын жаңы долбооруна автор болуудан баш тартты

Жогорку Кеңештин бүгүнкү жалпы жыйынында Конституциянын жаңы долбоору каралып жатат. 

Жыйын башында 80 депутат автор деп айтылган. Ага карабай, депутат Момбеков бир депутаттын каза болгонун жана Жумалиевдин камакта экенин айтып алардын колу эсепке киреби деген суроо салды.

Мындан сырткары, КСДПнын депутаты Чынара Умуркалиева мурдагы чечиминен баш тартып, Конституциянын жаңы долбооруна автор болууну туура көрбөй турганын айтты.  Ошондой эле, жаш депутат Айгерим Бешимбаева да Конституциянын жаңы долбооруна автор болуудан баш тартты.