Электр жарыгына болгон бааны кымбаттатуу боюнча коомчулуктун реакциясы (посттор)

Президент Садыр Жапаров энергетикадагы кризистен чыгуу үчүн электр энергиясынын тарифин өзгөртүү сунушталып жатканын 21-апрелде жарыялады.

Кыргыз өкмөтү болсо электр энергиясына сунуштап жаткан жаңы тарифтик саясат 2021-жылдын августуна чейин коомдук талкууда болуп, кийин чечим кабыл алына турганын билдирди.

Энергетика министри Кубанычбек Турдубаевдин айтымында, аз камсыз болгон үй-бүлөлөр электр энергиясынын бир кВт\саатына 0,74 тыйындан, бийик тоолуу аймакта жашагандарга – 1 сом 04 тыйын, калктын калган катмары 1 сом 48 тыйындан төлөйт. Бирок суу тартыштыгына байланыштуу кышында төлөмдүн экинчи тепкичи жүргүзүлүп, 1000 кВт ашса 2 сом 29 тыйындан төлөнөт. Буга чейин айына киргизилген 700 кВт жоюлат.

Мына ушундай билдирүүлөрдөн кийин коомчулук социалдык тармактар аркылуу өздөрүнүн пикирлерин билдире башташты. Буга байланыштуу “Медиа центр” мультимедиалык-маалымат агенттиги айрым Фейсбук колдонуучулардын реациясы менен бөлүшөт.