Эркиндик айкелинен эки эсе чоң көлөмдөгү астероид Жерге жакындады

441987 (2010 NY65) деп аталган астероид 25-июнда Жерге максималдуу жакыныраак келет деп Daily Express гезити NASA'га шилтеме берип жазды.

Астероиддун узундугу 187 метр, маалыматта көрсөтүлгөндөй, Нью-Йорктогу Эркиндик айкелинен эки эсе чоң. 441987 секундасына 13,4 чакырым ылдамдыкта баратат.

Жерге эң жакын чекитке жетип, астероид кайра кайтып кетет. Ал Жерден Айга чейинки аралыктан 15 эседен ашык аралыкка алысташы күтүлүүдө. Буга карабастан, ал планетага жакын объект деп эсептелинет.