“Ливерпуль” клубунун коргоочусу Виржил Ван Дейк “ПСЖ” командасына өтүүдөн баш тартты, эми ал командасы менен жакшыртылган шартта жаңы келишим түзөт. Бул тууралуу чет элдик басылмалар жазып чыкты.
Маалыматка ылайык, Париждик команда 28 жаштагы голландиялык футболчуну жайкы трансферлер учурунда катарына кошууну каалаган. Бирок Ван Дейк “ПСЖнын” сунушунан баш тартып, “Ливерпуль” менен жаңы келишимге кол коёт жана анын негизинде жумасына 245 миң евро алат. Анын учурдагы маянасы жумасына 200 миң еврону тузөт.
Ал эми жаңы контрактын негизинде Ван Дейк “Ливерпульдун” тарыхындагы эң чоң маяна алган футболчу болот. Учурда рекорддук (жумасына 222 миң евро) айлыкты Мохамед Салах алат.
Эске салсак, Ван Дейк “Ливерпульга” 2018-жылдын башында “Саутгемптондон” 84,5 миллион еврого өтүп, эң кымбат коргоочу болгон.
Ал 2019-жылы Чемпиондор лигасын жеңип, УЕФАнын тандоосу боюнча Европанын мыкты футболчусу атыккан.
Пикирлер (0)
Пикир жок. Сиз биринчилерден болушуңуз мүмкүн