Футбол боюнча Кыргызстандын улуттук курамасынан 2 оюнчу четтетилеби?

Футбол боюнча Кыргызстандын улуттук курамасынан Виталий Люкс жана Виктор Майер четтетилиши мүмкүн. Бул тууралуу башкы машыктыруучу Александр Крестинин бүгүнкү маалымат жыйынында билдирди. 

«Кырдаал 100 пайыз белгилүү. Менимче, карьерасын качан аяктаарын өздөрү айтышса керек. Виталик азыр футбол менен алектенбей эле. Андыктан ал оюндарын аяктадыбы же жокпу, милдеттүү түрдө өзү айтып бериши керек. Мен аны «оюндарын аяктады» деген жерим жок. Ал болгону оюн талаасынан четтеп кетти. Албетте, оюндар мурункудай болбой калган, андыктан жан багуу да керек болду. Ал эми Виктор Майер жайында башка клубка кетет,  ал жактан «оюнчу-машыктыруучу, ассистент оюнчу» болуп, аны менен бирге Дүйнө чемпиондугуна даярдык көрүп жатат»,- деди Крестинин.