Футбол талаасы рингге айланганда. "Зенит" менен "Спартактын" оюнчуларынын ортосунда массалык мушташ чыкты (видео)

27-ноябрда Дүйнө чемпионатына катышуудан четтеп калган Россиянын футбол боюнча ички чемпионаты уланууда.

Россия Кубогу үчүн болгон беттеште Санкт-Петербургдук "Зенит" менен москвалык "Спартак" кез келди.

Оюндун негизги убактысы 0:0 эсеби менен аяктады. Кошумча берилген мүнөттө"Спартак" оюнчусу менен атаандашынын ортосунда келишпестик чыгып, чыныгы мушташка айланды. Алардын мушташына бардык команда мүчөлөрү кошулуп кетти. Натыйжада калыс 6 "кызыл карта" көрсөтүүгө жетишти.

Оюндун соңунда "Зенит" пенальти сериясында жеңишти камсыз кылды.