Хабиб Нурмагомедов Фергюсон менен болчу беттеши тууралуу үн катты

Россиялык мушкер Хабиб Нурмагомедов америкалык каршылашы Тони Фергюсон менен боло турган беттеши тууралуу үн катты.

Нурмагомедов менен Фергюсон UFC 249 турниринин негизги беттешинде , 18-апрелде АКШнын Бруклин шаарында кез келмек. 15-мартта АКШнын ооруларды алдын алуу жана текшерүү мекемеси, алдынкы сегиз жума аралыгында өтүүчү баардык иш-чараларды токтоткон. Ал эми, UFCнин президенти Дэйна Уайт мелдеш өз убагында болор-болбосун билбестигин айткан.

“Кайсыл жерде беттешебиз же таптакыр беттешпейбизби, эмне болуп жатканын түшүнбөй турабыз. Салмак кууш керекпи же жокпу баары түшүнүксүз”, - деп Хабиб Instagram баракчасына билдирүү калтырган.