ИИМ Бостеридеги пляждардын биринде кыздардын массалык мушташы боюнча комментарий берди

Бир күн мурун социалдык тармактарда Бостеридеги пляждардын биринде кыздардын массалык мушташы тартылган видео тараган. Облустук ички иштер башкармалыгы окуя 3-июлда болгонун белгиледи.

«Мушташ «Золотые пески» пансионатынын пляжында болгон. Окуя боюнча Ысык-Көл районунун Чырпыкты айылынын 22 жаштагы тургуну РИИБге кайрылган. Анын айтымында, белгисиз кыздардын кол салуусунан досу экөө жапа чеккен. Мындан тышкары, алардан 48 миң сомдук iPhone 11 Pro уюлдук телефонун алып коюшкан», — деп билдиришти милициядан.

КР Кылмыш-жаза кодексинин 206-беренесине ылайык козголгон кылмыш ишинин алкагында кылмышка шектүүлөр аныкталып, кыздар камакка алынды. Алар Бишкек шаарынын тургундары 16-17 жаштагы С.Г., А.К., Т.А., Т.П., З.Б. жана К.А. Сурак учурунда алар күнөөсүн мойнуна алышкан.

Тергөөнүн жүрүшүндө кылмышка шектүүлөр үй камагына чыгарылган. Бирок, тергөө амалдары жүрүп жаткан адамдар Т.А., Т.П. жана З.Б. бир нече жолу тергөөгө көңүл бурбай, милиция бөлүмүнө келбей койгон. Ошондуктан алардын баш коргоо чарасы 1-сентябрга чейин камакка алуу менен өзгөртүлгөн.