Үстүбүздөгү жылдын 19-мартында Кыргыз Республикасынын Ички иштер министрлигинин Ички аскерлеринин Командачылыгынын аймагында жаз майрамы Ноорузга карата арналган майрамдык иш-чара болуп өттү. Майрамдык иш-чарага Кыргыз Республикасынын ИИМдин Ички аскерлеринин колбашчысынын орун басары полковник Марат Нуралиев, аскер кызматкерлер менен алардын үй-бүлөл мүчөлөрү, чакырылган коноктор жана ардагерлер катышты. Бул тууралуу ИИМдин Ички аскерлеринин басма сөз кызматы билдирди.
Аскер кызматкерлеринин жамааты кыргыз элинин каада-салттарын эпизодтук көрүнүштөрү менен демонстрациялап, катышуучуларга Нооруз майрамынын ырым жырымдарын көрсөтүштү.
Көркөм чыгармачылык топтун жааматы, иш-чаранын катышуучуларына жазгы маанай жана дем күч берип турду. Командалар ортосунда улуттук жана спорттук оюундардын түрлөрү боюнча таймаш өз нугунда өттү.
Иш-чаранын алдында аскер кызматкерлер Нооруз майрамынын салттуу “Сүмөлөк” тамагынын даамын татышты. Бул тамак түнү бою туруктуу аралаштыруу менен бышырылып, аскер кызматкерлерине таркатылды.
Майрамдык иш-чаранын аягында улуттук-спорттук оюундарынын жеңүүчүлөрүнө грамота жана акчалай сыйлык сыйланышты.
Жазгы Нооруз майрамына арналган иш-чаралар Кыргыз Республикасынын Ички иштер министрилигинин Ички аскерлеринин бардык аскер бөлүктөрүндө белгиленип өттү.
Пикирлер (0)
Пикир жок. Сиз биринчилерден болушуңуз мүмкүн