Megacom уюлдук операторун баалоо аяктады, компания сатууга даяр. Бул тууралуу Жогорку Кеңештин Транспорт, коммуникациялар, архитектура жана курулуш боюнча комитетинин жыйынында санариптик өнүктүрүү министрлигинин башчысы Талантбек Иманов билдирди.
Ошол эле учурда «Альфа Телеком» ЖАКтын акцияларынын контролдук пакети мамлекетте каларын тактады.
«Альфа Телеком» жабык акционердик коому 2023-2025-жылдарга менчиктештирүү программасынын алкагындагы компаниялардын бири. Сметалык баасы 12 миллиард сомду түзөт.
Компанияны сатыкка коюу аракети буга чейин да болгон, бирок резонанстуу жаңжалдар жана соттук териштирүүлөр менен коштолгон. Ошондуктан 2019-жылы сатууга мүмкүн болгон эмес. Анда компанияны алгач 19 миллиард сомго, андан кийин 14 миллиард сомго сунушталган.
Пикирлер (0)
Пикир жок. Сиз биринчилерден болушуңуз мүмкүн