Англияга виза алууга жардам берем деп, алдап кеткен жаран кармалды. Бул тууралуу Ысык-Көл облусунун ички иштер башкармалыгынан билдиришти.
Каракол ШИИБге Бишкек шаарынын 54 жаштагы тургуну арыз менен кайрылган. Ал Англияга виза алууга жардам берем деген шылтоо менен 39 миң рубль алып, изин жашырып кеткен жаранга чара көрүүнү суранган.
Натыйжада, Ак-Суу районунун Тепке айылынын 43 жаштагы тургуну кармалган. Алдын ала сурак учурунда ал күнөөсүн мойнуна алган.
Шектүүгө карата бир айга камакка алуу баш коргоо чарасы тандалды.
Пикирлер (0)
Пикир жок. Сиз биринчилерден болушуңуз мүмкүн