Ысык-Көлдө эки жаран сууга чөгүп кетти

Ысык-Көл облусунун Жети-Өгүз районунда 2 бала сууга чөгүп каза болду.

Өзгөчө кырдаалдар министрлигинен билдиришкендей, окуя Липенка айылына жакын жерде 29-июнда катталды. Куткаруучуларга билдирүү түшөрү менен издөө иштери башталып, жалпы 7 куткаруучу тартылган. Алар болжол менен саат 18:20 чамасында балдардын сөөгүн таап, туугандарына өткөрүп беришти.

Каза болгондор 19 жаштагы Н.И. жана 14 жаштагы Т.А. экени такталды. Экөө тең Жети-Өгүз районунун Ырдык айылынын тургундары болгон.