Ысык-Көлгө чөгүп кетти делген адам тирүү табылды

Ысык-Көл облусунда көлгө чөгүп кетти делген адам аман-эсен табылды. Бул тууралуу ӨКМдин басма сөз кызматы билдирди. 

Маалыматка караганда, 5-августта Ысык-Көл районунун Бостери айылында 1992-жылы туулган адам сууга чөгүп кетти деген маалымат түшкөн. 

Билдирүү түшкөн жерге 4 куткаруучу тартылган. Кийинчерээк аталган маалымат такталган эмес. Ал жаран куткаруучулар тарабынан пансионаттын аймагынан аман-эсен табылган.