Ысык-Көл облусунун Кара-Ой айыл өкмөтүнө салына турган заманбап стилдеги футбол академиясынын учурда жер маселеси гана чечилди. Бул тууралуу Кыргыз футбол союзунун басма сөз катчысы Адилет Керимбек уулу “Медиа центр” мультимедиалык-маалымат агенттигине маек берип жатып билдирди.
Анын айтымында, азырынча футбол академиясын салуу федерациянын планында гана каралган.
“Ысык-Көл облусуна салынуучу футбол академиясын Кыргыз футбол союзу Эл аралык футбол федерациясы аркылуу салууну пландоодо. Учурда Кара-Ой айыл өкмөтү менен сүйлөшүп жер маселеси чечилди. Азырынча ФИФАнын каражаты менен же болбосо Эл аралык донорлордун жардамы менен салынары белгисиз. Учурда академиянын курулушун баштоо мөөнөттөрүн тактоо иштери жүрүүдө”, - деди Керимбек уулу.
Эске салсак, буга чейин Ысык-Көл облусунун Кара-Ой айыо өкмөтүнө Эл аралык футбол федерациясы тарабынан заманбап стилдеги футбол академиясы курулары айтылган болчу.
Пикирлер (0)
Пикир жок. Сиз биринчилерден болушуңуз мүмкүн