Израил өз жарандарын Кыргызстанга саякаттоого тыюу салды

Израилдин Саламаттыкты сактоо министрлиги Кыргызстанды коронавирус илдети күч алган өлкөлөрдүн катарына кошту.

Ошондой эле бул тизмеге Уганда, Уругвай, Бириккен Араб Эмираттары, Сейшел аралдары, Эфиопия, Боливия, Намибия, Парагвай, Чили, Колумбия, Коста-Рика, Тунис, Белорусия мамлекеттери кирген.

Израилдин Саламаттыкты сактоо министрлиги эгер жакынкы аралыкта Кыргызстанда эпидемиологиялык абал жакшырбаса, Аргентина, Бразилия, ТАР, Индия сыяктуу "эң жогорку тобокелдикке кирген өлкөлөрдүн" тизмесине киргизээрин эскерткен.

Эскерте кетсек, 28-июнга карата Кыргызстан боюнча COVID-19 илдети 1 миң 81 адамга жукту.