Ысык-Көл облусунун Балыкчы шаарында катуу шамал болуп, эки киши жабыркады. Бул тууралуу ӨКМден билдиришти.
Маалыматка ылайык, саат 06:22де батыштан соккон шамалдын ылдамдыгы секундасына 28-34 метрге жеткен.
"Шамалдын кесепетинен Балыкчы шаардык аймактык ооруканасынын чатыры учуп, жугуштуу оорулар бөлүмүнүн терезеси сынган. Натыйжада 33 жаштагы аял жана эки жаштагы бала жабыркаган. Учурда алардын абалы туруктуу, дарыгерлердин кароосунда", — деп айтылат маалыматта.
Окуя болгон жерге тактоо иштерин жүргүзүү үчүн ӨКМдин башкармалыгынан ыкчам топ тартылып, чыгымдар такталып жатканы кошумчаланды.
Пикирлер (0)
Пикир жок. Сиз биринчилерден болушуңуз мүмкүн