Кадамжайда окуучу кызды зордуктап, өлтүрүүгө шектелгендердин бири өмүр бою эркинен ажыратылды

Кадамжай районунда каза болгон 9-класстын окуучусу Айдай Кочкораванын өлүмү боюнча айыпталган жигиттердин бири 10 жылга, бири өмүр бою эркиндигинен ажыратылды.

Айыпталуучу Б. уулу Э. (кармалган учурда 11-класстын окуучусу болчу) бир нече берене менен күнөөлүү деп табылып, 10 жылга кесилди. Бул тууралуу "Турмуш" басылмасы кабарлады.

- Кымыш-жаза кодексинин 122-беренесинин 2-бөлүгү (адам өлтүрүү);

- Кымыш-жаза кодексинин 154-беренесинин 2-бөлүгү (зордуктоо);

- Кымыш-жаза кодексинин 155-беренесинин 2-бөлүгү (сексуалдык мүнөздөгү зомбулук аракеттер);

- Кымыш-жаза кодексинин 165-берененин 2-бөлүгү (адамды уурдоо).

Айыпталуучу Д.Г. бир нече берене менен күнөөлүү деп табылып, мүлкүн конфискациялоо менен өмүр бою эркинен ажыратылды.

- Кылмыш-жаза кодексинин 165-беренесинин 2-бөлүгү (адамды уурдоо) ;

- Кылмыш-жаза кодексинин 154-беренесинин 3-бөлүгү (өмүргө же ден соолукка коркунуч келтирген зомбулукту колдонуу коркунучу менен коштолгон зордуктоо);

- Кылмыш-жаза кодексинин 155-беренесинин 3-бөлүгү (өмүргө же ден соолукка коркунуч келтирген зомбулук көрсөтүү коркунучу менен коштолгон сексуалдык мүнөздөгү зомбулук аракеттер);

- Кылмыш-жаза кодексинин 122-беренесинин 2-бөлүгү (адам өлтүрүү);

- Кылмыш-жаза кодексинин 180-беренесинин 3-бөлүгү (баланы кылмыш жасоого тартуу).

2022-жылы 4-сентябрда Кадамжай районунда 9-класстын окуучусу зордукталып, киши колдуу болуп көз жумганы кабарланган. Кылмышка шектелип 4 жигит кармалган.

Айдайдын өлүмүнө айыпталган 2 жигит абакта асынган абалда табылган болчу.