Кадамжайда зордукталып өлтүрүлгөн 14 жаштагы кыздын өлүмү: Шектүүлөрдүн экөө өзүн-өзү өлтүрүп алганы кабарланды

4-сентябрда Кадамжай районунун Ноогардан айылында Ош-Баткен жолундагы көпүрөнүн астынан 14 жаштагы кыздын зордукталып, өлтүрүлгөн денеси табылган.

Шектүү катары Кадамжай районунун 4 тургуну кармалган. Алардын бирөө жашы жете элек атуул.

4-декабрга караган түндө 14 жаштагы кыздын өлүмүнө шектелгендердин экөө Оштогу тергөө абагында өзүн-өзү асып алганы кабарланды. 

Бул тууралуу "Кактус.медиа" өздүк булактарына таянып кабарлады.

Эскерте кетсек, буга чейин шектүүлөрдүн иши боюнча тергөө аяктап, иш Кадамжай райондук сотуна жөнөтүлгөн.