Канат Исаев «Кыргызстан» фракциясынын лидери болуп шайланды, деп билдиришти аталган фракциянын депутаттары. Чечим фракциянын 10-июнундагы отурумунда кабыл алынган.
«Кыргызстан» фракциясын буга чейин Алмазбек Баатырбеков жетектеп келген, ал 9-июнда депутаттык мандатын тапшырган. Анын жана Руслан Чойбековдун ордуна бүгүн депутат болуп Замирбек Эсенаманов менен Бейшеналы Нурдинов ант берди.
Буга чейин ушул эле фракциядагы Жаныбек Исаев жана Алмазбек Эргешев мандатын тапшырган. Алардын ордуна Жогорку Кеңешке ишкер Шаршенбек Абдыкеримов жана Жаныбек Жоробеков келген болчу.
Пикирлер (0)
Пикир жок. Сиз биринчилерден болушуңуз мүмкүн