Каракчылык менен телефон уурдоого шектелип 3 жаран кармалды

Бишкекте тоноого шектелген үч жаран кармалды. Бул тууралуу Бишкек ШИИБдин басма сөз кызматы билдирди.

1-февралда шаардык тургун милицияга кайрылган. Анын айтымында, ал Көк-Жар кичи районунда өз унаасында отурганда, белгисиз адамдар эшикти ачып, анын телефонун н күч менен тартып алышкан.  Телефондун баасы 30 миң сом болгон.

Бул факт КЖБРне Кыргыз Республикасынын Кылмыш-жаза кодексинин 201-беренеси ("Каракчылык") менен катталган.

Октябрь райондук ички иштер бөлүмүнүн ыкчам кызматкерлери кылмышка шектүүлөрдү кармашты. Алар 1990-жылы туулган С.А., 1995-жылы туулган Р.Н. жана 1996-жылы туулган Т.И.болуп чыккан.  Кармалгандар Бишкек шаардык ички иштер башкы башкармалыгынын убактылуу кармоочу жайына киргизилди.

Шектүүлөрдүн башка кылмыштарга тиешеси бар экендигин ИИМ аныктайт. Учурда тергөө иштери жүрүп жатат.