Каракол суусунан 33 жаштагы кишинин сөөгү табылды

Каракол суусуна чөгүп кеткен эркек кишинин денеси табылды. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, 13-август күнү Каракол капчыгайында 1987-жылы туулган эркек киши Каракол суусуна чөгүп кеткен.

Бүгүн, 14-август күнү издөө иштерине КР ӨКМнен жалпы 30 куткаруучу жана жергиликтүү тургундардан 20 киши тартылып, саат 13:07де куткаруучулар тарабынан табылып ИИМ кызматкерлерине өткөрүлүп берилген.

Белгилей кетсек, буга чейин Каракол суусуна түшүп кеткен 33 жаштагы адам изделип жатканы кабарланган.