Кыргыз-Түрк өнүктүрүү фондун түзүү маселеси талкууланды

2022-жылдын 7-сентябрында Кыргыз Республикасынын Түркиядагы элчиси Кубанычбек Өмүралиев Түркия Республикасынын Казына жана финансы министри Нуреддин Небати менен жолугушту. Бул тууралуу ТИМдин басма сөз кызматы кабарлады.

Маалыматка ылайык, жолугушуунун жүрүшүндө Кыргыз-Түрк Өнүктүрүү фондун түзүү, Түрк инвестициялык фондунун штаб-квартирасын Бишкек шаарында жайгаштыруу, ошондой эле Кыргыз Республикасынын профилдүү мамлекеттик органдарынын кызматкерлерин Түркияда окутуу маселелери талкууланды.