Кыргыз-казак чек арасында жүк өткөрүү жанданды

Кыргыз-казак мамлекеттик чек арасы аркылуу кыргыз жүк ташуучуларды өткөрүү жандандырылды. Бул тууралуу Өкмөттүн басма сөз кызматынан билдирди.

Маалыматка ылайык, 25-мартка карата "Ак-Тилек" автожол көзөмөл-өткөрмө жайы аркылуу 97, "Чон-Капка" автожол аркылуу 26 унаа Кыргызстанга кирди. Ал эми, 192 жүк ташуучу унаа Казакстанга кирген.

Жүктөрдүн арасында жабдуулар, азык-түлүк, калк керектөөчү товарлар, курулуш материалдары, тиричиликте колдонулуучу химиялык заттар, унаа тетиктери, косметика жана башка товарлардын бар экени кабарланды.

Эскерте кетсек, буга чейин эки өлкөнүн Өкмөт башчылары телефон аркылуу сүйлөшкөн.