"Кыргызалтын” ишканасынын таза кирешеси 2,754 млрд сомду түздү

2021-жылдын жыйынтыгы менен “Кыргызалтын” ААКтын таза кирешеси 2,754 млрд сомду түзүп, буга чейинки жылга салыштырмалуу 2,2 эсе көптүк кылат.

“Кыргызалтындан” кабарлашкандай, өткөн жылы өлкөнүн бюджетине 1,724 млрд сом которулган, анын ичинде Мамлекеттик мүлктү башкаруу фонду тарабынан республикалык бюджетке түшүүчү дивиденддердин эсебинен - 1 млрд 465 млн сом, салыктар жана милдеттүү төлөмдөрдүн 277 млн сому төлөнгөн.