7-апрелде Бириккен Улуттар Уюмунун Башкы ассамблеясы Россиянын БУУнун Адам укуктары боюнча кеңешине катышуусун токтотту. Бул тууралуу РИА Новости агенттиги жазды.
Резолюция АКШ, Украина, Латвия жана бир топ Европа өлкөлөрү тарабынан демилгеленген.
Резолюцияга 93 мамлекет макулдугун берсе, 24ү каршы чыккан. Ал эми 58 өлкө добуш берүүдөн карманган.
Демилгеге каршы добуш берген өлкөлөрдүн арасында Алжир, Беларусь, Боливия, Бурунди, Борбордук Африка Республикасы, Кытай, Конго, Куба, Түндүк Корея, Эритрея, Эфиопия, Габон, Иран, Казакстан, Кыргызстан, Лаос, Мали, Никарагуа, Россия, Сирия, Тажикстан, Өзбекстан, Вьетнам, Зимбабве бар.
Бул резолюция Украинанын Буча шаарындагы жарандардын өлүмү тууралуу тасмалар тарагандан кийин демилгеленген.
Пикирлер (0)
Пикир жок. Сиз биринчилерден болушуңуз мүмкүн