Кыргызстандын тышкы иштер министри Жээнбек Кулубаев Венгриянын Кыргызстандагы элчиси Шандор Дорогини кабыл алды. Бул тууралуу ТИМден билдиришти.
Жолугушууда 12-13-февралдагы Кыргызстандын президенти Садыр Жапаровдун Венгрияга болгон расмий сапарынын жыйынтыгы боюнча макулдашууларды ишке ашыруунун жүрүшү талкууланды.
Жээнбек Кулубаев жолугушуунун жүрүшүндө кыргыз-венгер мамилелерин кызматташуунун жаңы сапаттык деңгээлине алып чыккан мамлекет башчыларынын деңгээлинде Кыргызстан менен Венгриянын ортосундагы стратегиялык өнөктөштүктү бекемдөө жана өнүктүрүү боюнча биргелешкен декларациянын кабыл алынышынын тараптар үчүн маанилүүлүгүн баса белгиледи.
Өз кезегинде, элчи Венгрия менен Кыргызстандын ортосундагы стратегиялык өнөктөштүктү мындан ары кеңейтүүнүн жана чыңдоонун маанилүүлүгүн белгиледи.
Ошондой эле жолугушууда Венгер-Кыргыз өнүктүрүү фондунун потенциалын тартуу менен эки тараптуу экономикалык кызматташтыкты өнүктүрүү Венгриянын жетекчилигинин Кыргызстанга иш сапарын иштеп чыгуу жана Кыргыз-венгер стратегиялык кеңешинин 3-отурумун өткөрүү боюнча 2023-жылга биргелешкен пландарды ишке ашыруу маселелери талкууланды.
Пикирлер (0)
Пикир жок. Сиз биринчилерден болушуңуз мүмкүн