Кыргызстанда сентябрь айында 14 жаңы медициналык лаборатория ачылат

Өкмөт 14 жаңы медициналык лаборатория ачуунун үстүндө иштеп жатат. Бул тууралуу премьер-министр Кубатбек Боронов 11-августтагы брифингде билдирди. 

Анын айтымында, алардын ону Ислам өнүктүрүү банкы тарабынан каржыланат. Алар жаңы медициналдык мекемелер менен бирге курулуп бүтөт.  

Ал эми 4 лаборатория Эпидемиологиялык фонд тарабынан каржыланып, алар сентябрь айында алынып келинет.

Премьер-министр ошондой эле эпидемиянын экинчи толкунуна карата даярдык тууралуу айтып берип, сезондуу сасык тмооого каршы алдын алуучу вакциналарды сатып алуу иштерине республикалык бюджеттен 200 млн сом бөлүнүп берилгенин билдирди.