Президент Сооронбай Жээнбеков «Кыргыз Республикасындагы биосфералык аймактар жөнүндө Мыйзамына өзгөртүүлөрдү киргизүү тууралуу» Мыйзамына кол койду. Бул тууралуу президенттин басма сөз кызматы билдирди.
Мыйзам Жогорку Кеңеш тарабынан 2020-жылдын 5-февралында кабыл алынган.
Мыйзамдын максаты Кыргызстандын биосфералык аймактарынын социалдык-экономикалык өнүгүүсүндөгү жеткире иштелбегендери жана кемчиликтери болгон бир нече себептерди жоюуга, жаратылышты пайдалануунун жана айлана-чөйрөнү коргоонун ченемдеринин, эрежелеринин жана чектөөлөрүнүн бирдиктүү механизмин иштеп чыгууга жана «Ысык-Көл» биосфералык чөйрөнү жигердүү жана туруктуу өнүктүрүүнү камсыз кылууга багытталган.
Мыйзам расмий жарыяланган күндөн тартып он күн өткөндөн кийин күчүнө кирет.
Пикирлер (0)
Пикир жок. Сиз биринчилерден болушуңуз мүмкүн