Кыргызстандык инженер түтүн чыпкалоочу инновациялык аппаратты ишке киргизди

Атмосферанын булганышы өсүп жаткан шартта инженер-гидротехник Амантур Салымбаев аэродинамика мыйзамдарын колдонуп, электр жарыгысыз жана суусуз иштеген түтүн чыпкалоочу инновациялык аппаратты ишке киргизди.

Жаратылыш ресурстар министрлигинин маалыматы боюнча, бул аппарат абаны тазалоонун 98% эффективдүүлүгүн көрсөтүп, учурда Кыргызпатентте каттоодон өтүүдө.

Иштеп чыгуунун натыйжалуулугун тастыктоо алкагында инженер Жаратылыш ресурстары, экология жана техникалык көзөмөл министрлигине караштуу, Айлана-чөйрөгө мониторинг департаментинин кызматкерлери менен биргеликте анализ жүргүзүү үчүн абанын үлгүлөрү алынды.

Департаменттин кызматкери Улан Илиясов белгилегендей, лабораториялык текшерүүлөрдүн жыйынтыгында фильтрде зыяндуу заттарды, анын ичинде көө жана көмүр кычкыл газын (СО₂) 98% сактай турганы тастыкталды.

Ал эми, Салымбаев фильтрдин өзгөчөлүгү, ал толугу менен автономдуу, электр жарыгы жана суу менен камсыз кылууну талап кылбастан иштээрин белгилеп, зыяндуу эмиссиялардын деңгээлин олуттуу түрдө кыскартууга жана булгануунун деңгээли жогору болгон аймактарда абанын сапатын жакшыртууга мүмкүндүк берерин айткан.

Учурда төмөнкү даректерде алты фильтр орнотулуп, ийгиликтүү иштеп жатышат:

- Беловодский айылындагы Борбордук мечитте;

- Бишкек: Forge;

- Бишкек-СҮТ;

- "ЭКО-үй Быстротоктогу" демо борбору;

- Нарын шаарында;

- Медерова, Жукеева-Пудовкина көчөсүндө жеке менчик объектте.

Фильтр 5-6 жылга эсептелген жана техникалык тейлөөнү талап кылбайт. Бир фильтрдин баасы 25 миң сом. Амантур Салымбаев негизги максаты коммерциялык пайда эмес, экологияга жана келечек муундун саламаттыгына кам көрүү экенин баса белгилейт.

«Киреше биринчи орунда эмес. Неберелерим таза аба менен дем алышын каалайм. Мен өз өлкөмдүн патриотумун”,- дейт Амантур Салымбаев.

Долбоор ошондой эле директору Ж.Исабекова болгон Accelerate Prosperity Фондунун колдоосуна ээ болуп, Жаратылыш ресурстары, экология жана техникалык көзөмөл министрлиги менен активдүү кызматташуунун аркасында өнүгүүсүн улантууда. Фильтрлер алардын натыйжалуулугун жана коомчулукка жеткиликтүүлүгүн көрсөтүү үчүн тесттинк режимдин алкагында бекер орнотулду.

Салымбаевдин технологиясы кеңири жайыла турган болсо, ал Кыргызстанда зыяндуу заттарды чыгаруунун деңгээлин бир топ төмөндөтүп, экологиялык жактан таза инновациялардын баарына жеткиликтүү үлгү боло алат. Бул долбоор экологияны туруктуу өнүктүрүүгө жана келечек муундар үчүн таза, коопсуз келечекти түзүүгө багытталган.