Кыргызстандын бокс боюнча курамасы Кытайда өтө турган эл аралык мелдешке катышат

Кыргызстандын бокс боюнча улуттук курама командасынын мүчөлөрү Кытайдын Үрүмчү шаарында өтө турган эл аралык мелдешке катышат.

Дене тарбия жана спорт департаментинен билдиришкендей, мелдештер 25-сентябрда башталып 10-октябрда жыйынтыкталат.

Курама команданын тизмеси:

• 48 кг Анвар Ходжиев;
• 57 кг Санжай Сейдакматов, Ислам Төрөбеков;
• 63.5 кг Мирзохид Имамназаров, Алмаз Орозбеков;
• 80 кг Сагын Сатыбалды уулу;
• +92 кг Бакыт Токтосун уулу.

Курама команда башкы машыктыруучу Данияр Төлөгөн уулу жана машыктыруучу Темирлан Осмоновдун жетекчилиги алдында мелдешке катышат.