Футбол боюнча улуттук команда 2026-жылдагы дүйнө чемпионатына тандоо оюндарынын алдында Түркияда "жашыруун" машыгууларды өткөрмөкчү. Бул тууралуу Кыргызстандын Футбол союзунан кабарлашты.
Мындай чечим союздун жаңы башчысы Камчыбек Ташиев менен болгон жыйындан кийин кабыл алынган.
"2-марттан 13-мартка чейин Антальяда машыктыруучулар штабы биздин жана чет элдик чемпионаттарга катышкан 26 футболчуну карап чыгат. Оюнчулардын тизмеси ачыкталбайт, анткени Кыргызстандын курама командасына тандоо жабык болот", — деп айтылат маалыматта.
13-19-март күндөрү Стефан Тарковичтин командасынын Вьетнамда пландалган машыгуусу башталат. Команда Түркиядагы тандоонун жыйынтыгы менен түзүлөрү кошумчаланды. Кытайлык Тайбэй менен беттештер 21-март жана 26-мартта өтмөкчү.
Пикирлер (0)
Пикир жок. Сиз биринчилерден болушуңуз мүмкүн