Кызыл-Кыя шаарынын жашоочусу үйүндө баңгизат камтыган өсүмдүктү мыйзамсыз өстүрүп жүргөнү аныкталды. Бул туурасында Баткен ОИИБдин Басма сөз кызматы билдирди.
Маалыматка караганда, Кызыл-Кыя ШИИБдин БМЖКККнын кызматкерлери алынган ыкчам маалыматтын негизинде 2022-жылдын 21-август күнү ыкчам иликтөө иш-чараларын жүргүзүшүп, жергиликтүү тургун үйүндө баңгизат каражаттары камтыган өсүмдүктү мыйзамсыз өстүрүп жаткандыгын аныкташкан.
Бул факты боюнча Кызыл-Кыя ШИИБи тарабынан Кыргыз Республикасынын Кылмыш-жаза кодексинин 288-беренесинин 1-бөлүмүндө (Баңгизат каражаттарын камтыган өсүмдүктөрдү себүү жана өстүрүү) көрсөтүлгөн кылмыштын белгилери менен кылмыш иши козголгон. Шектүү катары Кызыл-Кыя шаарынын "С" аттуу жашоочусу аныкталды. Азыркы күндө соттук-химиялык экспертиза дайындалып, тергөө амалдары жүрүп жатат.
Пикирлер (0)
Пикир жок. Сиз биринчилерден болушуңуз мүмкүн