Кызыл-Кыяда милициянын көчмө кабылдамасы сууга чөгүүнүн алдын алуу багытында түшүндүрүү иштери жүргүзүүдө. Бул тууралуу Баткен ОИИБнын Басма сөз кызматы билдирди.
Маалыматка ылайык, Кызыл-Кыя ШИИБнин балдар менен иштөө инспекциясынын кызматкерлери жайкы каникул мезгилинде жаш өспүрүмдөрдүн коопсуздугун сактоо максатында кароосуз калган көлмөлөргө, терең бассейндерге сууга чөгүүнүн алдын алуу боюнча эскертмелерди илип жатышат. Кооптуу жерде жашаган тургундарга жаш өспүрүмдөрдүн коопсуздугун көзөмөлдөө боюнча 15 эскертүү актылары берилди.
Ошондой эле күндүн ыссыгында өз алдынча сууга түшкөн жаш өспүрүмдөргө коопсуздук боюнча түшүндүрүү иштерин жүргүзүүдө.
Жыл башынан бери Кызыл-Кыя шаарында жаш өспүрүмдүн сууга чөккөн фактысы катталган эмес.
Пикирлер (0)
Пикир жок. Сиз биринчилерден болушуңуз мүмкүн