Кызыл-Кыя шаарында мектеп окуучулар арасында “Спорт ден соолуктун булагы” аттуу эстафета өткөрүлдү. Бул спорттук иш-чарага Кызыл-Кыя шаар аймагындагы бардык мектептердин жогорку класстарынын окуучулары, жогорку окуу жайлардын студенттери катышты. Бул тууралуу Баткен ОИИБнын Басма сөз кызматы билдирди.
Иш-чара Кызыл-Кыя шаарындагы дене-тарбия, жаштар жана спорт комитетинин, жергиликтүү мэрия жана Кызыл-Кыя ШИИБнин биргелешкен уюштуруучулугунун негизинде өткөрүлүп, жеңүүчүлөргө Кызыл-Кыя ШИИБнин грамота, баалуу белектери жана сыйлыктары тапшырылды.
Бул иш-чаранын жүрүшүндө коомдук тартипти сактоо максатында милициянын көчмө кабылдамасы өз ишмердүүлүгүн жүргүздү. Жол коопсуздугун сактоодо жол кыймылынын коопсуздугун камсыздоо кызматы эстафетага катышкан жаш өспүрүмдөрдүн жол коопсуздугун алдын алуу багытында алгылыктуу иштерди аткарды. Ал эми бүгүнкү иш-чара учурунда милициянын көчмө кабылдамасына 20 кайрылуу жана 2 арыз катталды.
Пикирлер (0)
Пикир жок. Сиз биринчилерден болушуңуз мүмкүн