Ош облусунун башчысынын орун басары Эрнист Толтоев облус тургундарынын атынан көк бөрү боюнча финалдан кийин Төлөйкөн ипподромунда болгон башаламандыктар үчүн кыргыз элинен кечирим сурады. Бул тууралуу аталган облустагы өкүлчүлүктөн билдиришти.
Ош шаардык кеңешинин депутаты Таластын «Ынтымак» командасынын капитанына ат тапшырганы такталган. Чогулган активисттер, спортчулар жана бийлик өкүлдөрү мындай окуялар кайталанбоого, Кыргызстан ынтымакта болууга чакырды.
Ал арада Талас облусунун ички иштер башкармалыгы Суусамыр-Талас-Тараз унаа жолунун боюнда бара жаткан Ош облусунун тургундарын токтотуп, сабап кеткен төрт жергиликтүү тургун кармалганын билдирди. Алар аймактар аралык араздашууну козуткан деп шектелүүдө.
Эске салсак, Ош облусунун “Төлөйкөн” ипподромунда “Достук” жана “Ынтымак” командаларынын көк бөрү боюнча президенттик кубогунун финалы жаңжал менен аяктаган.
Пикирлер (0)
Пикир жок. Сиз биринчилерден болушуңуз мүмкүн