Көк бөрү боюнча финалдан кийин Төлөйкөн ипподромундагы тополоңдон кийин милиция 65 адамды суракка алган. Бул тууралуу Ош облусунун ички иштер башкармалыгынан билдиришти.
Тогуз адамга карата КР Кылмыш-жаза кодексинин 280-беренеси (бейбаштык) боюнча иш козголгону көрсөтүлгөн. Кара-Суу райондук сотунун чечими менен беш адам эки айга камакка алынды, сот бүгүн убактылуу кармоочу жайда жаткан төрт адамдын баш коргоо чарасын тандайт.
Калган 56 адамга карата КР Кылмыш-жаза кодексинин 126-беренеси (майда бейбаштык) боюнча протоколдор түзүлдү. Алар бошотулган.
Милиция тополоңго катышкандарды аныктоо үчүн окуя болгон жерден видеотасмаларды изилдөөнү улантууда.
Пикирлер (0)
Пикир жок. Сиз биринчилерден болушуңуз мүмкүн