Колледждерде окуу үчүн 22 миңден ашуун абитуриент өтүнмөлөрдү тапшырышты

Биринчи турдун жыйынтыгы боюнча 22 миңден ашуун абитуриент колледждерде окуу үчүн өтүнмөлөрдү тапшырышты. Бул тууралуу Билим берүү жана илим министрлигинин басма сөз кызматы билдирди. 

Маалыматка караганда, 1-турдун жыйынтыгы боюнча министрлик тарабынан атайын иштелип чыккан системада https://spuz.edu.gov.kg/ 22 070 өтүнмө катталды. 3-августтан баштап колледждер окууга тапшыргандардын тизмесин жарыялай баштайт. 3-6-августта – абитуриенттер окожго кабыл алууну каалоосун тастыкташы керек.

"Окууга тапшыруучулардын коопсуздугун камсыздоо жана массалык чогулуусун алдын алуу максатында колледждер 3-августтан тартып окууну каалоосун тастыкоо үчүн окууга тапшырган абитуриенттерге телефон чалышат. Документтердин түп нускаларын студенттер окождорго окуу жылдын башында бериши керек", - деп айтылат маалыматта.