Коронавирус: Бишкекте дарыланып жаткандар 24 жана 26 жаштагы жигиттер

Коронавивирус илдетин соңку жуктуруп катталгандар 24 жана 26 жаштагы жигиттер. Бул тууралуу коронавирус боюнча Республикалык штабдан билдирди.

Маалыматка ылайык, илдетке чалдыккандардын бири 1996-жылы, экинчиси 1994-жылы туулган жигиттер.

Франциядан учуп келген 24 жаштагы тургун “Манас” эл аралык аэропортундагы обсервация борборунда жайгашкан. Ал эми, умрадан келген 26 жаштагы жигит “Ак-Кеме” мейманканасында изоляцияга алынган.

Эске салсак, жаңы жагдайлар 21-мартта катталды. Кыргызстанда коронавирус илдетине чалдыккандар 14 адамга жетти.