Коронавирус боюнча жалган маалымат тараткан жаран кармалды

Коронавирус боюнча жалган маалымат тараткан жаран кармалды. Бул тууралуу Ички иштер министрлигинен (ИИМ)маалымдады.

Маалыматка ылайык, Москвада жашап, иштеп жүргөн Ош облусунун Ноокат районунун тургуну «Кыргызстанда коронавирус катталды» деген чагымчыл материалдарды WhatsApp жана башка соцтармактар аркылуу таратып жүргөн.

 Иликтѳѳ иштерин ИИМдин өкүлдөрү Мыйзамсыз миграция жана экстремизмге каршы аракет көрүү боюнча кызматы менен биргеликте жүргүзүшкөн.

Иликтѳѳнүн жыйынтыгында, ал Москвада кампалардын биринде иштээри белгилүү болгон. Ага туура эмес маалымат таратканы үчүн жазага тартылары эскертилген. 

Эскерте кетсек, коомчулукту кооптондурган «коронавирус Кыргызстанда катталды» деген билдирүүлөр WhatsApp жана социалдык түйүндөр аркылуу тарап, ИИМ мындай жалган маалыматка ишенбөөгө чакырган эле.