Коронавирустун айынан кызматынан кеткен Космосбек Чолпонбаев тууралуу кызыктуу фактылар

Мурунку саламаттыкты сактоо министри Космосбек Чолпонбаев шалаакылык жана кызмат абалынан кыянаттык менен пайдаланган деген шек менен 15-сентябрда Экономикалык кылмыштарга каршы күрөшүү боюнча мамлекеттик кызматы тарабынан кармалган. “Медиа центр” мультимедиалык-маалымат агенттиги экс-министр тууралуу 10 фактыны сунуштайт. 

1) Космосбек Чолпонбаев 1963-жылдын 20-апрелинде Ысык-Көл облусундагы Ак-Суу районунун Ичке-Жергез айылында туулган. 

2) Казакстандын Алматы шаарындагы мамлекеттик медицина институтун "фармация" адистиги боюнча 1985-жылы бүтүргөн; 

3) Сеченов атындагы Москва медициналык институтун аспиранты;

4) КММАнын фармацевтика, аналитикалык жана органикалык химия кафедрасынын окутуучусу;

5) Саламаттык сактоо министрлигинин Дары-дармек жана медициналык техника бөлүмүнүн башчысы;

6) Саламаттык сактоо министрлигинин Дары-дармек менен камсыздоо жана медициналык техника департаментинин директорунун орун басары;

7) Кыргызстандын Фармацевтика союзунун төрагасы, фармацевтика илимдеринин доктору; 

8) 2018-жылдын 20-апрелинен, 2020-жылдын 1-апрелине чейин Кыргызстандын саламакттык сактоо министри; 

9) Ушул жылдын 31-мартында президент Сооронбай Жээнбеков Коопсуздук кеңешинин жыйынында министр Космосбек Чолпонбаевдин ишин катуу сынга алган; 

10) Ушул жылдын 9-июлунда Финполго суракка чакырылган.