Кой-Таш окуясы боюнча сот отурумуна жактоочулар келген жок

Кой-Таш окуясы боюнча Биринчи май райондук сотунда 10-июлга белгиленген отурум айыпталуучулардын алынып келинбегенине байланыштуу жылдырылды. Бул тууралуу аталган мекеменин басма сөз кызматынан билдирди.

Маалыматка ылайык, Биринчи май райондук сотунун өндүрүшүндө А.Атамбаев, Ф.Ниязов, И.Карамушкина, А.Кодуранова, Р.Жеенбеков, М.Мискенбаев, К.Жолдубаева, К.Сагымбаев, М.Шаменов, Р.Карыпбек уулу, Ф.Баабиев, К.Осмоналиев жана Н.Капарбек уулун айыптоо боюнча жазык иши каралууда.

Айыпталуучулардын алынып келинбегендигине жана алардын жактоочуларынын келбегендигине байланыштуу, соттук териштирүү 13-июлга саат 10:00гө жылдырылган.