Кубанычбек Жумалиев Финполдун жетекчиси Сыймык Жапыкеевди сотко берерин маалымдады. Бул тууралуу ал бүгүн журналисттердин Жумалиевдин мүлктөрүнүн тинтилиши боюнча суроолорго жооп берип жатып билдирди.
"Сыймык Жапыкеев кухнясында отуруп алып элге калп айткандын аркасынан кечээ келип мага тиешелүү эмес, менин эжемдердин, туугандарымдын мүлктөрүнүн кийлигишип, беткапчан, мылтыкчан барышыптыр. Алар эмне террорист беле? Бул жерде Жапыкеев түздөн-түз кызматтык абалынан пайдаланып мыйзамсыз иштерге барып жатат. Жапыкеевди сотко берем. Жактоочуларым арызды даярдап жатышат. Бүгүн, эртең сотко кайрылабыз. Мен эч кандай мыйзамсыз байыган эмесмин. Мен илимпоз, билимдүү адам катары эч качан коррупциялык иштерге барган эмесмин", - деп билдирди депутат.
Эске салсак, кечээ Финполициянын өкүлдөрү Жумалиевдин мүлктөрүн тинтүүгө алган эле.
Пикирлер (7)