Жарандарды сасык тумоодон вакцинациялоо боюнча маселени иштеп чыгуу зарыл. Бул тууралуу биринчи вице-премьер-министр Кубатбек Боронов шаардын эпидемиологиялык абалы боюнча Бишкек мэриясынын жетекчилиги менен өткөргөн жыйында билдирди.
Анын айтымында, калк арасында коронавирустун жаңы толкуну ыктымал экендиги жана иммунитетти чыңдоо, маска кийүү, обочолонууну сактоо зарылдыгы тууралуу кеңири маалыматтык-түшүндүрүү кампаниясын жүргүзүү зарыл.
“Инфекциянын жугушун максималдуу түрдө азайтуу керек, өзгөчө коомдук жайларда”, - деди Кубатбек Боронов.
Ошондой эле биринчи вице-премьер-министр муниципалдык аймактык башкармалыктардын жетекчилеринин, турак-жай менчик ээлеринин башчыларынын COVID-19 дартынын белгилерин алып жүргөн тургундар тууралуу маалымат берүү ишин активдештирүүнүн маанилүүлүгүн белгиледи.
Пикирлер (0)
Пикир жок. Сиз биринчилерден болушуңуз мүмкүн