Армения, Казакстан жана Кыргызстандын футболчулары Россиянын футбол боюнча күзүндө башталуучу жаңы сезонунда легионер болуп саналбайт. Бул тууралуу Sport24 басылмасы жазып чыкты.
Маалыматка ылайык, 9-июнда Россия футбол союзунун аткаруу комитетинин кезектеги отурму өтөт. Анда 2020-21-жылдагы сезондо Бажы биримдигине кирген өлкөлөрдүн футболчулары Россия премьер-лигасында легионер болуп саналбоо маселеси каралат.
Буга чейин 1-июлдан баштап легионер статусун алып салуу каралган болчу. Бирок коронавирус пандемиясынан улам Россиянын спорт министрлиги чектөөнү 1-августан тарта алуу сунушу менен кайрылган. Ал эми Белоруссиянын спортчулары 2019-жылдан бери Россияда легионер болуп саналбайт.
Пикирлер (0)
Пикир жок. Сиз биринчилерден болушуңуз мүмкүн