Лейлек районунда милиция менен дарыгерлер мектеп окуучуларына түшүндүрүү иштерин жүргүзүүдө

Лейлекте милиция кызматкерлери менен дарыгерлер чогуу иш алып барууда.  Бул тууралуу Баткен ОИИБнын Басма сөз кызматы билдирди.

Лейлек районунда балдар иштери менен иштөө инспекциясынын кызматкерлери дарыгерлер менен биргеликте мектеп окуучуларына түшүндүрүү иштерин жүргүзүүдө.

Милиция кызматкерлери укук бузуулардын алдын алуу, кылмыштуулукту болтурбоо багытында лекцияларды окуп, мыйзамдагы көрсөтүлгөн беренелердин жоопкерчиликтери боюнча түшүндүрүү иштерин жүргүзсө, медицина кызматкерлери жаш өспүрүмдүн ден соолугуна тамеки, насвай, энергетикалык суусундуктардын өмүргө кандай коркунуч алып келерин түшүндүрүп айтып беришти.

Лейлек РИИБнин начальнигинин демилгеси менен айрым мектептерде жаштарды терс көрүнүштөн арылтып, сергек жашоо тартуулаш үчүн спорттук иш-чаралар уюштурулуп, жеңген командаларга Лейлек РИИБнин сыйлыктары тапшырылды.