Лейлекте пайдубалына Садыр Жапаров капсула салган аскер бөлүгүнүн курулушу ошол бойдон турат (видео)

Президент Садыр Жапаров акыркы жолу Лейлек районуна иш сапары менен барган учурда чек арада жайгашкан Маргун айылына да барган. 

Иш сапарынын жүрүшүндө президент чек ара бөлүгүн куруу үчүн тапшырма берип, өзү пайдубалына капсула салган. 

Жергиликтүү тургундун ошол аскердик бөлүктүн курулушу боюнча тарткан видеосу социалдык тармактарда тарады. Анын айтымында, президент капсула салып кеткен боюнча иш такыр алдына жылган эмес.

"Президент кандай таштап кетсе, ошол бойдон турат. Андан бери бир ай өттү",- дейт жергиликтүү тургун.